შიდა აზომვითი ნახაზები უმაღლესი ხარისხის სერვისი

შიდა აზომვითი ნახაზი წარმოადგენს ნებისმიერი ტიპის შენობა-ნაგებობის შიდა ფართის გეგმას. ნახაზი გამოიყენება საჯარო რეესტრში ბინის, სხვენის, სარდაფის, ავტოფარეხის და ა.შ. სარეგისტრაციოთ, ასევე ბანკში ან სხვა ნებისმიერ ორგანოში წარსადგენად. შიდა ნახაზი ასახავს ოთახების და ტიხრების ზუსტ განლაგებას, კარ-ფანჯრის ადგილმდებარეობას მასზედ დატანილი ზომებით (როგორც ფართობი, ასევე სიგრძე-სიგანე). მისი მომზადება სავალდებულოა როდესაც: არასდროს არ ჩატარებულა აზომვითი სამუშაოები და შენობა არ არის დარეგისტრირებული - პირველადი რეგისტრაცია; უძრავი ქონების მფლობელს სურს იპოთეკური სესხის აღება და შენობის ფართობი არ არის ასახული ამონაწერში; შენობა აზომილია ადრეულ წლებში და არ შეესაბამება დღეისათვის არსებულ სტანდარტს. (მაგ: ძველი წესით სველი წერტილების და აივნის ფართობი არ შედიოდა შენობის შიდა ფართში); ხდება შენობის ორ ან მეტ ნაწილად დაყოფა - გამიჯვნა, ან პირიქით - გაერთიანება; შენობას გააჩნია მიშენება და მფლობელს სურს, რომ ახალი დადგენილების თანახმად დაირეგისტრიროს მიშენებული ფართი; კომუნიკაციებია შესაყვანი შენობაში; იგეგმება ინტერიერის რეაბილიტაცია, გადაკეთება ან/და მოწყობა. არქიტექტორს, ხელოსანს, დიზაინერს ესაჭიროება არსებულის ზუსტი ზომები რათა წინასწარ შეძლონ მასალის, ავეჯის და შესაბამისად ხარჯების კალკულაცია.